ཡེ་ཤུའི་ ཆོས་ལུགས་ཀྱི་ དམ་པོའི་ གསུང་རབ་ ཐོབ་པའི་ ཝེབ་སཻཊ་ ནང་ལོ་ དགའ་བསུ་ ཞུ་དོ་ ཨིན།

ཝེབ་སཻཊ་ འདི་ ནང་ལོ་ ལྷན་རྒྱས་ཀིས་ ལྷོ་སྐད་ ཡང་ནེ་ འབྲས་ལྗོངས་སྐད་ན་ སྐད་སྒྱུར་ བྱ༹ས་ ཡོད་པའི་ མ་ཤི་ཀ་པོའི་ (ཁྲི༹ས་ཊན་ཙུའི་) དམ་པོའི་ གསུང་རབ་ཀྱི་ ཆ་ཤས་ཙུ་ ཐོབ་ ཚུགས་པོ་ མི་ཚད་ གསུང་གླུ་ཙུ་ཡང་ གསན་ཚུགས།

འདི་ ཝེབ་སཻཊ་ ནང་ལོ་ ཡོད་མཁན་ དངོས་མཛོད་ཙུ་ རིན་མེད་ གཞན་ལོ་ བགོ་ གནང་ཚུགས།

གསུང་འཕྲིན་ བཟང་པོ་ བཞི་ཙུ།

དམ་པོའི་ གསུང་རབ་ཀྱི་ ཞལ་ཆད་ གསར་པུའི་ ནང་ལོ་ འགོ་ དང་པོ་ ཐོབ་མཁན་ དེབ་ བཞི་ཙུ་ལོ་ མཱད་ཐ་, མར་ཀུ་, ལུ་ཀ་ དང་ ཡོ་ཧ་ནཱན་གྱིས་ བྲི་ ཡོད་པའི་ གསུང་འཕྲིན་ བཟང་པོ་ སེ་ ཞུ། གསུང་འཕྲིན་ བཟང་པོ་ བཞི་ འདི་ཙུ་ གཙོ་བོ་ ཡེ་ཤུ་ ཁྲི༹ས་ཀྱི་ མི་ཚེ་ དང་ སླབ་བསྟོན་གྱི་ སྐོར་ལོ་ བཤད་ ཡོད། འདི་ཙུ་ ནང་ལོ་ ཡེ་ཤུ་ ཁྲི༹ས་ཀྱིས་ གནང་ ཡོད་པའི་ ཕྱག་ལས་ཙུ་ རང་གི་ མིག་གིས་ མཐོང་ ཡོད་པའི་ མི་ཙུའི་ དཔང་པུ་ བྲི་ བཞག་ ཡོད།

སྐད་རིགས་ སླབ་སྦྱངས་ གནང་མཁན་ཙུ་ལོ་ ཐབས་ཤེས།

འོག་ལོ་ ཡོད་མཁན་ དེབ་ཆུང་འདི་ཙུ་ནང་ལོ་ དམ་པོའི་ གསུང་རབ་ཀྱི་ཆ་ཤས་ ཁ་ཤསལྷོ་སྐད་དང་ དབྱིན་རྗི་ནང་ལོ་ སྐད་སྒྱུར་ བྱ༹ས་ ཡོད། འདི་ ཐབས་ཤེས་ འདི་ཙུ་ དབྱིན་ཇིའི་ སྐད་ ཐོག་ལས་ ལྷོ་སྐད་ ཡང་ནེ་ལྷོ་སྐད་ ཐོག་ལས་ དབྱིན་ཇིའི་ སྐད་ སླབ་པའི་ དོན་ལོ་ ཕན་ཐོག་ཚེ་དྲགས་ ཡོད།